Thursday, July 24, 2008

كريم عامر أخطر من القتلة و المغتصبين

أمس خرج من السجون ما يزيد عن ألف و خمسمائمة مواطن مصري كانوا يقضون عقوبة بالسجن في اتهامات تتعلق بالقتل و السرقة و الإغتصاب، مش عارفة ليه كنت متخيلة إن كريم عامر هيكون من بين الذين سيتم العفو عنهم في ذكرى الثورة المجيدة، لكن مر اليوم دون أن أسمع أي خبر عن كريم أو حتى مجرد بصيص أمل في الإفراج عنه

لدرجة إن ماما لما حكيت لها، قالت لي أكيد إن شاء الله كريم له الأولوية يعني هما لما بيفرجوا عن المساجين في مثل هذه المناسبات بيفرجوا عن الناس اللي متهمين بحاجات بسيطة زي كريم و خروجهم مش هيكون خطر على المجتمع

لكن حتى ماما طلعت زيي فاهمة الأمور غلط و فاهمة إن كريم جريمته بسيطة

يظهر و الله أعلم إن جريمة كريم - الشاب الصغير اللي ما عملش حاجة غير أنه كتب على الأنترنت عن الأفكار اللي بتدور في عقله - أكبر من القتل و السرقة و الإغتصاب

بجد زعلانة و محبطة جدا و مش عارفة أقول أيه