Saturday, February 02, 2008

طفلة ساذجة رغم شيب الشعر - قصيدة من داليا زيادة



كتبت هذه القصيدة لنفسي في عيد ميلادي الشهر الماضي و قررت أن أنشرها الآن..


طفلة ساذجة رغم شيب الشعر

داليا زيادة


يا داليا طالت ليالي العتمة ف عنيكِ

الباب بعيد و انتِ متكتفة ايديكِ

الناس تشوفك تقول الفرح خدامك

و في الحقيقة مر الحزن ماليكِ



يا وردة عشقت لمسة كف راعيها

من كان بخمر الحب و الحنية يسقيها

دبلتي ليه لما أرتحل عنك و غاب

مش ده القدر؟ و الحقيقة؟ أقبليها



يا طفلة ساذجة رغم شيب الشعر

يا طيبة و عاقلة رغم أحترافها الشر

يا مركبة تايهة محتاجة ترسى ف بر

حياتنا مستاهلة نرويها حبة صبر



يا موجة جوه البحر استسلمت للشوق

لطير جميل يوم شافته أصبح لها معشوق

صدقتي وهم اشتباه اللون بين السما و البحر

نسيتي إن البحر تحت و حبيبك ف السما فوق!




يا داليا فوقي من سراب الوهم

و بايديكي أرسمي لي الحلم

محتاجة حاجة تدلني فين الطريق

محتاجة أشوف محتاجة بعض الفهم